“Schubertiadi”, in Nùgoro 4 addòbios musicales de s’Iscola tzìvica Chironi

Chenàbura chi benit, su 24 a sas 20.30 in s'auditorium de s’Iscola tzìvica nugoresa de mùsica Antonietta Chironi, in carrera de Tolmino, ant a comintzare sas Schubertìades. Sa rassigna, in collaboratzione cun su Complesso Vocale di Nuoro, movet dae sos addòbios musicales chi su cumposidore viennesu Franz Schubert cumpartziat cun artistas amigos intreverende esecutziones musicales, letura de testos poèticos e, a bias, escursiones naturalìsticas. In cada apuntamentu de custa rassigna nugoresa (su 24 de freàrgiu, su 18 de maju, su 29 de cabudanni e su 17 de santandria) sos dotzentes de sa Chironi ant a èssere acumpangiados dae sas boghes de su Complesso Vocale dedichende sas esecutziones issoro a bator figuras de sa grandu istajone romàntica: in prus de Schubert ant a èssere omagiados Robert Schumann, Felix Mendelssohn e Johannes Brahms.

M.P.