Nùgoro, torrat su cuncursu musicale Grazia Deledda

Su Comune de Nùgoro e s’Iscola tzìvica de mùsica “Chironi”, ocannu in collaboratzione cun s’Iscola tzìvica Mea de Thiniscole, organizant su segundu cuncursu internatzionale de cumponimentu “Grazia Deledda” dedicadu a sa grandu iscritora sarda chi su ‘26 bincheit su Prèmiu Nobel pro sa literadura. Su cuncursu est abertu a sos cumponidores e a sas cumponidoras de cale si siat natzionalidade chi non nch’apant coladu sos 45 annos de edade e chi no apant retzidu su prèmiu s’editzione in antis. Duas sas setziones in cuncursu: “Orchestra de càmera” e “Chiterra e orchestra de arcos”. Inoghe su regulamentu e sos mòdulos pro s’iscritzione.

M.P.