Marina de Thiniscole, chenàbura sos concruos de sos cuntzertos MeA

Chenàbura su 9, a sas 8 de sero in sa pratza de sa crèsia de Fàtima in sa Marina de Thiniscole (La Caletta) b’at a èssere s’ùrtimu apuntamentu de sos cuntzertos MeA organizados dae s’iscola tzìvica intercomunale de mùsica. S’apuntamentu de custa bia est teatrale cun sa piece “Viaggio in Sardegna” iscrita dae Stefania Masala cun sas mùsicas de Cristiano Porqueddu sonadas dae su chitarrista Giovanni Martinelli. S’opera est parte de sa manifestatzione internatzionale Sardinia_Moving_Arts chi fadeint intre Europa e Istados unidos de Amèrica dae su 2019 a su 2022.