Galeras caentes, sa Garante iscriet a sos parlamentares sardos

Irene Testa, Garante in Sardigna de sas persones privadas de sa libertade issoro, at iscritu a sos parlamentares sardos pro chi gherrent finas a nch’insertare in su decretu pro s’emergèntzia climàtica un’emendamentu in favore de sos operadores de politzia penitentziària e de sos presoneris. «Pedo a sos parlamentares sardos – at naradu – chi in custas dies sunt traballende in sa Càmera alleghende de su decretu-lege 98/2023 chi si fatzant boghe de una mudada emendativa pro s’estensione de su provedimentu a sos istitutos de pena de s’ìsula».