Tres milliones de èuros pro sas cooperativas sotziales
Sa Domanda de agiudu telemàtica s’at a pòdere presentare movende dae mesudie de su 3 de santugaine fintzas a sas 23,59 de su 17 de su matessi mese
Tres milliones de èuros pro sas cooperativas sotziales de tipu B iscritas in s’albo regionale 2023. Est custu chi at disinnadu sa Regione chi, cun paràulas de s’assessora de su Traballu Ada Lai, las cunsìderat «impresas sotziales chi ingendrant valore pro totu sa comunidade promovende inclusione e acumprende a atividades econòmicas pro s’inserimentu d sugetos isvantagiados in su mundu de su traballu».
Sa Domanda de agiudu telemàtica (Dat) s’at a pòdere presentare movende dae mesudie de su 3 de santugaine fintzas a sas 23,59 de su 17 de su matessi mese. pro pedire info est possìbile a iscrìere a lav.coopl16@regione.sardegna.it. Possìbile a bisitare fintzas sos sitos RegioneSardegna, SardegnaLavoro e SardegnaProgrammazione.
m.p.
© RIPRODUZIONE RISERVATA