Duos mèigos noos in Nùgoro. Su sèberu dae lunis e martis

A pustis de àere assignadu duos mèigos de meighina generale, s’Asl nugoresa comùnicat chi, dae lunis su 15, sos tzitadinos ant a pòdere seberare su dotore Riccardo Ferrarelli. Gasi etotu sa dotora Michela Deriu dae su 16. Su sèberu cheret fatu cun tèssera sanitària online o in s’ufìtziu de sèberu e rèvoca in sa Domo de comunidade de su Santu Frantziscu intrende·nche dae carrera de sa Brigata Sassari. In antis de totu s’avisu pertocat sos utentes privos de assistèntzia sanitària e sos fràgiles. Sos isportellos aberint dae su lunis a sa chenàbura dae sas oto e mesu de mangianu a sa una e, a merie, su martis e sa giòbia, dae sas tres a sas chimbe.