Grillo contra a Todde in contu de rinnovàbiles. Ma àteru b'at

Sa nova de eris fiat chi Alessandra Todde, in pare cun su senadore Ettore Licheri e àteros esponentes de punta de su M5S sardu, at firmadu unu documentu de sustegnu a sa lìnia de Giuseppe Conte conca a sa costituente de su sugetu polìticu nou. Oe, fatu-fatu, est arribada sa sentèntzia de Beppe Grillo (in gherra cun Conte) contra a sa guvernadora acusada de èssere in favore de sa produtzione energètica dae sos combustìbiles fòssiles pro more de s’atzione regionale in contu de rinnovàbiles. Sa presidente est duncas acusada de ambas neghe: de èssere in favore de s’invasione ispeculativa e de èssere contrària a sas rinnovàbiles. Ma est craru chi sas paràulas de Grillo contra a Todde non b’intrent nudda cun sa chistione energètica chi como, a pustis de sa presentatzione de sas firmas de sa Pratobello24, meresset àtera atentzione.