Boxe tailandesu : fortuna po sa Coppa Karalis

29 Làmpadas 2009
(IlMinuto) - Casteddu, 29 de su mes''e lampadas - Bella fortuna po su primu torneu de amatoris Coppa Karalis de Muay Thai (o boxe tailandesu). Sàbudu a merì in su "Pallone Italia 90", acanta a su stadiu Sant'Elia de Casteddu, si funt confrontaus diversus campionis sadrus tra is mellus de custu sport. A sa gara ddoi fut unu pubblicu atentu e interessau.
Sa manifestazioni, aprontada de s'Iscola “Nuragthai Mongthon” de su maistu Mauro Serra, at biu su cumbattimentu de is atletas in duus torneus riservaus a is categorias 67 e 70 chilus. Totus is incontrus funt stetius obettus de sa música tradizionali tailandesa e de is danzas ritualis de is atletas.
Po is 70 chilus sa vitoria est andada a Davide Musiu, sighiu de Marco Pau e de Alessio Pisano. Po is 67 esti stetiu Andrea Olla a otèniri sa vitoria contra a Emanuele Murru e Daniele Manca.
In is incontrus, a duas o tres'iscutas, si funt alternaus is ispetaculus de is pipius de su Karate yokushinkai. Medas applàusus puru po Mauro Serra, chi at donau prova de sa forza de sa muay thai, ammostendi, cun s'agiudu de su fradi Andrea, sa forza de is puntadas de pei e de is corpus de genugu próprius de custu sport.
© RIPRODUZIONE RISERVATA
Tags