Cuartu Sant'Alèni: tempus finzas a su 31 de mes''e argiolas po is contributus de su Comunu a su fittu

(IlMinuto) - Casteddu 29 de su mes''e lampadas - De cras finzas a su 31 de su mes''e argiolas at essi possìbili presentai sa domanda a su Comunu de Cuartu Sant'Alèni po podi otèniri is contributus po su pagamentu de su fittu. S'interventu est rivoltu a is famìlias cun redditu basciu, famìlias chi bìvint in condizioni de carestia meda mala. Is agiudus ant essi donaus de s'Assessorau de is "Politiche Sociali". Is beneficiarius depint tenni sa residenzia in Cuartu Sant'Alèni de a su mancu duus annus e depint tenni is requisitus chi pedit su bandu.
Sa documentazioni e sa modulistica nezessaria - s'agatant giai in su situ internet - e de cras ant essi disponìbilis in is ufficius de su Comunu de via Porcu e in cussus de sa Circoscrizioni de via dell'Oceano Pacifico.