Sport: prata in su Kata e in su Kumite po sa squadra de su Karate club Kanazawa

(IlMinuto) - Casteddu, 22 de su mes''e lampadas - Risultau bonu po sa Sardigna a su torneu nazionali de su Shotoreigikan chi s'est tentu ariseu in Cuartu Sant'Alèni a s'Hotel Califfo, in sa cumpetizioni a squadras de cumbattimentu e in sa gara de kata. Is allievus de su maistu Alberto Piludu ant fattu bella figura puru in su kata individuali, cun su terzu postu po Nicola Moi e su quartu po Massimo Piludu. Su primu postu in su Kumite de is giòvanus est andau a Alesssandro Piludu.
A sa gara ant partecipau is karateka, dividius po edadi, arribbaus de
medas sociedadis sadras - de su Budokan Cabras e de su Shotokan Sassari - aterus arribbaus de continenti comenti is allievus de su Shotoreigikan. Sa gara esti stetia precedia sàbudu a merì de unu stage - aundi s'est fueddau de s'applicazioni de calincuna tecnica de s'arti marziali giapponesa po sa difesa de sa persona - e de una sessioni de esamis chi ant biu tres giòvanus atletas conquistai sa "cintura nera".