Cultura: Biddexidru, Sa domu de Dessì at a diventai de pressi unu museu

(IlMinuto) - Casteddu, 1 de mes''e argiolas - Sa domu de Dessì at a diventai de pressi unu museu, aundi at essi arregordau su scrittori sadru. Dd'at nau ariseru, in su cursu de sa presentazioni de sa XXIV edizioni de su Premiu letterariu, su Presidenti de sa Fondazioni Dessì Massimo Murgia. In is prossimas diris ant arribai in sa domu de Biddexidru, is 5 milla liburus de sa collezioni privada de su scrittori e circa 50 quadrus de Dessì, chi fut puru unu pittori meda bravu.
Is celebrazionis po su centenàriu de sa nàscida de Dessì, chi fut puru autori de film e de documentarius po sa Rai, ant a sighiri po tresi annus cun medas iniziativas culturalis. "Su nostru - at spiegau Murgia - est unu riconoscimentu a s'omini e a su scrittori, chi in vida sua s'est occupau de medas attividadis sciendi donai de sa Sardigna un'immàgini europea".