Gsotto, quattru diris in su Sulcis "po fai un'àtera politica"

(IlMinuto) - Casteddu 3 de su mes''e argiolas - "No est unu contruvertici, ma est unu 'forum' po fai un'àtera politica".  Est aici ca is organizzadoris lamant su Gsotto, s'atóbiu internazionali chi de oi a su 6 de su mes''e argiolas at a biri a confrontu in su Surcis prus de 100 spertus de 70 organizzazionis, spertus chi arribant de prus de 40 stadus de su mundu. A pustis de s'inaugurazioni de ariseru in Crabònia, is traballus ant a cumenzai custu mangianu in sa sedi de s'Universidadi de Casteddu in Monteponi (Igrèsias) cun d'un'atóbiu chi at a chistionai de sa crisi de s'energia e de sa crisi de s'ambienti."Is diris de su Gsotto - si podit ligiri in d'una nota - si movint po tres crisis mannas, chi corpint su mundu: cussa de s'energia e de s'ambienti, cussa alimentari e de sa produzioni, cussa de sa civilizzazioni e de sa convivenza.