No si firmat S'Onda casteddaia, custumerì presidiu contra a sa repressioni

(IlMinuto) - Casteddu, 10 de su mes''e argiolas - Sighit sa mobilitazioni de su movimentu de is istudiantis sadrus a pustis de is arrestus chi lunis ant coinvoltu una bintina de manifestantis cuntra a su G8 de s'Universidadi de Torino, po sa manifestazioni chi s'est tenta in su mes''e maju. Custumerì is istudiantis de s'Onda casteddaia s'ant a agatai primu in d'unu presidiu de solidariedadi (prazza Garibaldi, 18.30) e a pustis in viale Fra Ignazio po assistiri a sa proiezioni de diversus filmaus chi chistionant de repressioni. "S'intimidazioni e sa timoria - narat su movimentu in d'una nota - funt is iscopus de s'operazioni de su 6 de su mes''e argiolas, ultima azioni repressiva contra a chini si ribellat a custu sistema".