Tempus liberu: Maracalagonis, una diri a passu de su molenti

(IlMinuto) - Casteddu, 9 de su mes''e argiolas - Puru sa Sardigna tenit un' “Asineria sociale”. Est sa primu de s'isola. Est in funzioni de pagus annus in Maracalagonis e s'arribat pighendu su biviu po Tasonis in sa statali 125: chini passat una diri in su “Circolo dell’Asino” scioberat de rallentai sa propriu diri po caminai a passu de molenti. "Su molenti sadru - ispiegant is organizzadoris - est una bestia pitica cun dotis mannas, una bestia calma chi agiudat a rallentai". Funt puru previdias bisitas po cussas chi sa cooperativa sociali s'Alchimia lamat "personas cun bisongius specialis". "Curai su molenti tressu attividadis psicomotorias agiudat s'intendimentu - si podit ligiri in d'una nota - fait forti s'autostima e agiudat puru sa socialidadi".