Vertenza chímica: sindacaus, "Su Guvernu si depid fai chistionai"

(IlMinuto) - Casteddu, 15 de su mes''e argiolas - Is sindacaus cunfederalis ant a sighiri sa mobilitazioni po difèndiri s'industria chímica in Sardigna (ddu ant a fai a senz''e avisai comenti ant fattu oi blocchendi s'aereoportu de S' Alighera). Ant a fai azionis no programmadas finzas a chi su Guvernu no at a dizidiri de chistionai puru cun is partis socialis, candu ddoi at essi s'atóbiu cun sa Giunta regionali in Palazzo Chigi, su 17 de su mes''e argiolas. Is intenzionis de Cgil, Cgil e Uil funti stetias annunciadas oi cun d'unu documentu donau a su Consillu regionali in atóbiu estraordinariu.