Comitato diritto alla casa e Sinistra critica: Pauli, "Su sindigu Sini pedat sa sanatoria generalizzada de is isfrattus"

(IlMinuto) Casteddu, 10 de su mes''e austu - Ripartit de Pauli sa lota po su diritu a sa domu. Cun d'unu comunicau su "Comitato monserratino per il diritto alla Casa" e su movimentu anticapitalista "Sinistra Critica" pedint a Marco Sini, sindigu de su comunu in provìnzia de Casteddu, de addiriri e de si fai imbasciadori cun sa Regioni po is propostas chi depint risolviri sa chistioni de is isfrattus. Su Comitato e su movimentu anticapitalista proponint, tra is ateras cosas, "sa sanatoria generalizzada de is isfrattus e su cumenzu de una fasi de legalizzazioni". "Cun totu cussu chi s'est fattu cun is isbarazzamentus in Pauli e in Sant'Elia, su quartieri de Casteddu - si podit ligiri in su documentu -, e a pustis de is isfrattus annunziaus in Casteddu (200), Nùgoro (40) e Tàtari (60), sa chistioni de sa domu non toccat scéti su territoriu mannu de Casteddu, toccat totu s'isola. Una chistioni sociali e politica chi non podit essi gestia de s'Area, ma depit essi curada de sa regioni e de is comunus".