"Harmonices mundi", in Bàini su concertu "multimediale" de Spazio Musica

(IlMinuto) - Casteddu, 20 de su mes''e austu - "Harmonices Mundi", sa produzioni "multimediale" noa de musica elettronica curada de s'associazioni "Spazio Musica" de Casteddu at a fai s'esordiu suu cras a merì. S'ispettaculu at essi rappresentau a is 21.30 in su centru de produzioni "Move the box", ex orfanotrofiu de sa bidda. In su palcu, unu quartettu de instrumentus "a percussione", su Modular Quartet, s'at a relazionai cun is immàginis, is video e is sonus elettronicus de Michele Casanova e Marcello Cualbu, chi sperimentant sempiri cun s'audio/video. A "Harmonices Mundi" at a sighiri s'ispettaculu de su duo "Singorafranca mash'up", custu puru fattu de Casanova e Cualbu. S'eventu s'inserit in su calendàriu de "Marmilla Mille Emozioni", is eventus de s'istadi organizzau de s'"Agenzia di Sviluppo Due Giare".