Incendius: Legambiente, 4.128 ettarus destruius in su 2008 (funt giai 20milla in su 2009)

7 Austu 2009
(IlMinuto) - Casteddu, 7 de su mes''e austu - Is incendius funt torraus a fai chistionai a pustis de is eventus drammàticus de su mesi passau e funti stetius su tema prus importanti in s'ùltimu atóbiu chi s'est tentu ariseru in sa navi de Goletta Verde - in navigazioni in sa costa tra sa Caletta e Posada - primu de partiri po s'isola d'Elba. Segundu cantu narat su dossier de Legambiente "Ecosistema Incendi 2009", sa Sardigna esti stetia tra is areas italianas prus colpias de is fogus puru in su 2008, ma in su 2009 s'area devastada de is incendius est giai casi cincu bortas prus manna. S'annu passau is 724 incendius iscoppiaus in custa Regioni ant destruiu 4,128 ettarus, po una media de 5,4 ettarus po fogu: su quartu postu in sa classifica nazionali po nùmeru de incendius. Ocannu sa superfici pappada de su fogu at giai superau is 20.000 ettarus - comenti nau, casi cincu bortas su totali de s'annu passau - e at provacau puru duus mortus.
© RIPRODUZIONE RISERVATA