Incidenti in su logh'e traballu in sa Saras: Prc-Pdci, "Est culpa de chini consoderat is traballantis comenti istrumentus de profitu

(IlMinuto) - Casteddu, 24 de su mes''e austu - "Arremacciaus un'atera borta s'inchietudini nostra contra a custas disgrazias, seus a su costau de Mario chi lotat tra sa vida e sa morti, po culpa de chini penzat ca is traballantis funt scéti istrumentus de profitu". Cun custus fueddus is segreterias provincialis de Casteddu de su Prc e de su Pdci esprimint solidariedadi a su traballantis de sa Cermis (ditta de appaltu de sa Saras) Mario Morello, chi tenit, po mori de s'arremoriu de una tubadura, meda brusciamentus chi no funt de pagu contu. S'arremoriu s'est tentu in sa Saras cenàbara a merì. "su Guvernu ponit in campu una 'própriu' idea de seguresa - spiegat su documentu - pubblichendi decretus privus de umanidadi, mentris sa seguresa in su logu de traballu est diventada
fatalidadi". "Chini at fattu promissas po sa seguresa de is operàjus - sighint Alessandro Corona (Pdci) e Giuseppe Stocchino (Prc) - in su cursu e a pustis de is numerosas elezionis, dda sa mantengat. Diversamenti cambit traballu".