Legambiente: de su 4 a su 6 de su mes''e cabudanni una "Festa del Mare" contra a su nucleari

31 Austu 2009
(IlMinuto) - Casteddu, 31 de su mes''e austu - Ocannu puru si rinnovat s'apuntamentu cun sa "Festa del Mare". De su 4 a su 6 de su mes''e cabudanni Santa Luxia de Thiniscòle at essi su centru de sa sesta edizioni de s'apuntamentu organizzau de Legambiente. Ddoi ant essi dibattidus, concertus, stand de cos''e pappai e buffai e ispazius po is esposizionis, contemporaneamenti dd'at essi sa manifestazioni de sensibbilizzazioni "spiagge pulite" - chi s'at a fai dognia mangianu po opera de is volontarius - chi at a sighiri po tres diris. Su 'no' a s'energia nucleari at essi su fueddu chi at a animai sa Festa de su 2009 e at a "arremaciai - si podit liggiri in d'una nota de Legambiente Sardegna - s'opposizioni nostra a sa torrada de unu tipu de energia chi ponit in discussioni politicas chi funt prus accanta a sa realidadi, comenti investiri po s'isviluppu de is energias rinnovabilis in su stadu nostru.
© RIPRODUZIONE RISERVATA