Liburus: recensionis, "Ti rincontrerò" de Sandro Mascia

(IlMinuto) – Casteddu, 3 de su mes''e austu - Est arribbau a su quartu liburu su scrittori sadru Sandro Mascia. S'ultimu romanzu "Ti rincontrerò" - pubblicau de Avagliano - est unu "polpettoni" noir inspirau zertamenti a calincuna istoria iscabrosa de cronaca de is ultimus annus. Su romanzu est unu viaggiu chi cumenzat in sa Casteddu de su 1978 e arribbat finzas a oi. Est in sa descrizioni de sa cittadi a sa fini de is annus Settanta e de is personaggius tipicus chi d'abitànt ca su romanzu regalat is pàginas chi prus divertint su lettori. Sa scrittura però risultat pagu curada e cun medas avvenimentus improvvisus unu pagu forzaus. Totu custu fait de su liburu de Mascia un'opera arrennescia scéti a metadi.