Master and Back: fait 36 annus sa diri primu de sa pubblicazioni de su bandu, bennit escludia de su bandu

(IlMinuto) – Casteddu, 4 austu - "A sa fini ci seis arrennescius. Ddoi funt boffius mesis de resistènzia tenaxi, ma ci seis propriu arrennescius. Su bandu po su Master&Back est bessiu su 7 de su mes''e argiolas. Cumplimentus, pecau ca siat bessiu a pustis de sesi mesis de sa data previdia po sa pubblicazioni. In custus sesi mesis centinaia de personas ant perdiu is requisitus de s'edadi po podi participai. Principiat aicci sa littera spedia de Vanessa Regini a su presidente de Regione Autonoma della Sardegna, Ugo Cappellacci, a su "commissario straordinario" de s'"Agenzia regionale per il Lavoro", Gabriella Massidda, e a "su responsabile unico" de su programma Master&Back, Giovanni Ineichen. Su scrittu esti stetiu donau a is giornalistas in sa conferènzia stampa de su movimentu Master&Back de ariseru. Sa femina at fattu 36 annus su 6 de su mes''e argiolas, una diri primu de sa bessida uffiziali de su bandu. Una diri mi costat s'esclusioni. Una diri po biri pudriada s'occasioni chi apu attèndiu, po sa cali apu meda lotau e po sa cali apu aprontau e programmau custus mesis rinunziendi puru a ateras ocasionis de traballu".