Presonis: Schirru (Pd), "In Cuartuciu ddoi funt pagu traballantis"
(IlMinuto) - Casteddu, 19 de su mes''e austu - Su presoni minorili de Cuartuciu tenit pagu traballantis. Ddu dinunziat sa deputada de su Pd, Amalia Schirru, chi in is diris passadas at bisitau s'istruttura, aderendi a s'osservazioni de is condizionis de is presonis organizzada de is Radicalis in tot'Italia. In su presoni de Cuartuciu ddoi funt 14 piciocus, duus funt sadrus. "Si de una parti no apu intendiu reclamus po is condizionis de su presoni de parti de is piciocus, sa chistioni prus manna est rappresentada de su fattu ca ddoi funt pagu traballantis. Tra personali penitenziariu e traballantis seus a sutta de su 40 po centu rispettu a is nùmerus nezessarius. Custu fait sì ca si depant fai turnus medas traballosus de 12 oras e candu ddoi funt difficultadis s'arribbat puru a ndi fai de 24 oras. Sa fatiga e su stress de is traballantis ponit in perigulu sa seguresa e sa calidadi de su traballu".
© RIPRODUZIONE RISERVATA