Sa dinùnzia de "Gruppo d'intervento Giuridico": in Carloforte una pista de atterraggiu abusiva de 700 metrus

(IlMinuto) - Casteddu, 26 de su mes''e austu - No abbastant domus e villettas. Immoi est su turnu de is aeroportus abusivus. Calincuna diri fait, in Carloforte, un'aereu piticu chi furiat faendi manovra de atterraggiu at segau unu cavu elèttricu causendi unu fogu meda mannu in totu sa macchia mediterranea de s'Isola. S'aereu furiat atterrendi in d'una pista de 700 metrus. Una pista abusiva, a cantu narat su síndigu Agostino Stefanelli. Is associazionis ecologistas "Amici della Terra e Gruppo d'intervento Giuridico" ant segnalau cantu est sussediu a su "Corpo forestale e di Vigilanza ambientale", a su comunu de Carloforte e a sa "Procura della Repubblica" de Casteddu.