"Sa Passillara" duus passus in su Puettu tra prodottus localis e arti

(IlMinuto) - Casteddu, 27 de su mes''e austu - Unu merì in su Puettu tra is operas de is artistas de s'hinterland de Casteddu e is stand de cos''e pappai e buffai cun casu, zaffarranu, e is saluminis localis. Est custa s'idea de sa circoscrizioni nùmeru 5 de Casteddu, chi at aprontau "Sa Passillara", una manifestazioni a intrada libera cun sa partecipazioni de is associazionis "Ius 3" e is "Arteggiati". S'apuntamentu est po cras, de is 20 a is 24, in su trettu chi s'incontrat tra via Elba e via Gorgona, in sa primu firmada de su Puettu.