Sardigna: disoccupazioni a su 14.1 po centu ne is primus tres mesis de su 2009

(IlMinuto) – Casteddu, 10 de su mes''e austu - Is nùmerus de sa crisi lassant pagu ispaziu a is fueddus. In su primu trimestri de su 2009 su tassu de disoccupazioni in Sardigna est arribbau a su 14,1 po centu. Is personas chi no traballant funt sempri de prus e custu fattu parrit no tenniri fini, segundu is datus Istat de su terzu (10,8 po centu de disoccupazioni) e de su quartu trimestri (13.3 po centu). Cun s'aumentu de is disoccupaus ddoi at essi puru sa diminuzioni de chini traballat e de chini circat traballu (forzas de traballu), chi tocat su nùmeru prus basciu de su 2004. Su nùmeru de chini tenit unu traballu o de chini circat unu traballu est de 669milla unidadis, e is cifras de is traballantis in Sardigna si firmat a 589milla traballantis. A s'aumentu de sa disoccupazioni no corrispondit s'aumentu de is personas chi circant unu traballu. Funt medas is iscoraggiaus chi rinunziant a circai un'occupazioni.