130 iscrittus a sa IX edizioni de s'"Accademia internazionale di Musica"

(IlMinuto) - Casteddu, 1 de su mes''e cabudanni - Funt 130 is allievus de sa IX edizioni de s'"Accademia internazionale di Musica" chi cumenzat oi in Casteddu. Su nùmeru artu de iscrittus, tra is calis ddoi funt 62 giapponesus, confirmat su valori de is cursus de perfezionamentu organizzaus de "Sardegna in musica" cun sa collaborazioni de su "Conservatorio Da Palestrina" de Casteddu. De custumerì, in is aulas de su Conservatorio ddoi ant essi noi intensas giornadas de istudiu, cun d'una "full immersion" chi at a durai de is noi de mangianu a is ottu de merì. S'ant a tenni lezionis de chìtarra, de violinu, de pianu forti, de flàutu, de violoncellu, de cantu e de arpa.