Accademia internazionale di Musica: de oi is concertus de is allievus

(IlMinuto) – Casteddu, 7 de su mes''e cabudanni - Arribbat casi a sa fini s'IX edizioni de s'"Accademia internazionale della Musica" de Casteddu. Comenti de tradizioni, de oi - a is 17.00 - a mèrcuris ant essi is allievus prus bravus a s'esibiri in su palcu de su Conservatoriu de via Porrino. "Un'impegnu - si podit liggiri in d'una nota - chi tenit unu valori didatticu, ma chi est puru s'ocasioni po si ponni in giogu, e po si ponni in contattu cun sa dimensioni concertistica". Su concertu est gratuitu.