Brevettau unu software po scriri in su spartidu sa musica po is launeddas. Cras sa presentazioni in su Parco Tecnologico

(IlMinuto) – Casteddu, 23 de su mes''e cabudanni - S'antiga tradizioni musicali de sa Sardigna s'abbrazzat cun sa prus sofisticada tecnologia digitali. Cras a mangianu a is 10.30 - in s'edifiziu Duus de su Parco Tecnologico de sa Sardigna, in Pula - at essi presentau su primu software po s'esami de sa musica po launeddas. Su sistema, brevettau, de "analisi polifunzionali" - progettau de Andrea Corona e realizzau de GianMaria Mancosu - fait "una partitura de is performance de is sonadoris de launeddas cun d'una cura meda elevada, po mori de unu campionamentu de is informazionis no scéti musicalis de su sonu".