Casteddu arregordat Ennio Porrino in su centenariu de sa nàscida

(IlMinuto) – Casteddu, 24 de su mes''e cabudanni - "Omaggiu a Ennio Porrino: musica, fueddus e immàginis": est custu su titulu de su programma de is apuntamentus chi Casteddu at organizzau po arregordai su propriu componidori a cent'annus de sa nàscida. Is iniziativas, organizzadas de su "Teatro Lirico" de Casteddu, funt cumenzadas custa cida cun sa proiezioni, su 21 de su mes''e cabudanni, de su film "Tu madre, tu Sardegna", cun is musicas de su componidori casteddaiu. Sa proiezioni, in su Lirico, esti stetia sighia, su 22 de su mes''e cabudanni, de unu concertu dedicau a sa "musica da camera" de su maistu (cun replica su 19 de su mes''e ledaminis) chi s'est tentu in su Conservatoriu. S'omaggiu a su componidori sadru at a sighiri puru cun sa finali de su cuncursu internazionali po pianu forte "Ennio Porino" (24 de su mes''e ledaminis, Teatro Lirico). Su programma de is iniziativas at a sighiri finzas a is primus mesis de su 2010, po si serrai su 14 e su 15 de su mes''e maju cun d'unu convegnu internazionali de istudius.