Controculture: mostras, unu viaggiu tra is geniris musicalis de Casteddu de su punk a su metal

(IlMinuto) – Casteddu, 10 de su mes''e cabudanni - Unu viaggiu tra is geniris musicalis e sa variedadi culturali chi at postu is arrèxinis in Casteddu tra is annus '70 e '80: a cust'esperiènzia est dedicada "Controculture", sa mostra curada de Giacomo Pisano e Francesca Mulas po Marina Café Noir. De custumerì finzas a domìnigu, in is ispazius de s'ex liceu Artistico de prazza Dettori, ant essi espostus ottu pannellus dedicaus a is diversus geniris musicalis (dark, punk, metal, rock,
rockabilly e hardcore). Segundu is organizzadoris s'iscena casteddaia, "diversamenti de cussa de is ateras cittadis de sa penisola", depit ai "ammollau is lacanas de dognia controcultura, criendi comunicazioni tra diversus gruppus".