"Donat sa precedenzia a sa vida", cursu de guida segura de sa Provìnzia de Tàtari

(IlMinuto) – Casteddu, 15 de su mes''e cabudanni - "Donat sa precedenzia a sa vida": est custu su slogan de su cursu teoricu-praticu de guida segura promòviu de sa "Commissione Pari Opportunità" de sa Provìnzia de Tàtari. Su cursu - chi si depit tenni de su 9 a su 10 de su mes''e ledaminis - tenit s'obbiettivu de informai e de sensibilizzai is feminas e is ominis in materia de guida segura "donendi cognizionis praticas in s'autodromo" po perfezionai su propriu comportamentu a sa guida. Is partecipantis ant essi separaus in duus gruppus in basi a s'edadi: finzas a is 30 annus e de is 31 annus in susu. Is documentus po s'iscriri - s'agatant in su situ Istituzionali - depint essi spedius a s'assessorau de sa "Cultura e Pari opportunità" de sa Provìnzia de Tàtari tra su 23 de su mes''e cabudanni e su 6 de su mes''e ledaminis. Po ndi sciri de prus: 079 375 81 04