Dr. Drer e Crc posse bincit su Festival Suns e bolant in Olanda

(IlMinuto) – Casteddu, 14 de su mes''e cabudanni - "Apu biu" at bintu. Su branu presentau de Dr. Drer e Crc Posse at bintu conquistandi su primu postu in su "Festival delle Lingue Minoritarie" Suns. Sa finali s'est tennia sàbudu passau in Udine. Sa confirma friulana at obertu a Drer e socius is portas de su prus importanti festival europeu po is gruppus de is minoranzias linguisticas, su Liet International Leeuwarden, in Olanda, in programma po su 31 de su mes''e ledaminis. "Su Dotori" e Crc Posse ant bintu contra a is Chichimeca e is Resistence in Dub. "Apu biu", branu de su cd de su 2005 finaziau de propriu contu "Sega sa cadena" "fueddat - iat spiegau Drer a "IlMinuto" - de sa terra nostra, de s'occupazioni militari e genericamenti de is mal'usanzas".