"Festa dei popoli": in Biddesorris si chistionat de immigrazioni

(IlMinuto) – Casteddu, 17 de su mes''e cabudanni - "Immigrazioni tra traballu, integrazioni e seguresa": at essi custa sa chistioni chi sàbudu a merì a is 17.00 at a donai cumenzu a sa "Festa della Solidarietà - Festa dei popoli" aprontada in Biddesorris (Castello Siviller) de s'"Auser" e de su "Centro servizi per il Volontariato Sardegna Solidale". A su dibatidu ant a participai - tra is aterus - Giampiero Farru (Sardegna Solidale), Giuseppe Sassu (Auser), s'assessori provinziali a is "Politiche sociali" Angela Quaquero, su mediadori culturali Clara Desousa e su segretariu regionali de sa Cgil Enzo Costa. S'atóbiu at essi sighiu a is 21.00 de un'ispettaculu multietincu. Su domìnigu dd'at essi in veci s'obertura de is stand e sa degustazioni de sa cosa 'e papai de is medas cuxisas presentis.