Ispettaculus: Nùgoro, Stefano Benni contat Thelonious Monk

(IlMinuto) – Casteddu, 1 de su mes''e cabudanni - Fueddus e música in su signu de Thelonious Monk. Custumerì in Nùgoro, sa rassegna de concertus chi accumpangiat su XXI seminariu jazz proponit “Misterioso”, unu contu musicali dedicau a s'arti manna de su pianista afroamericanu mortu in su 1982. Su scrittori e poeta Stefano Benni dd'at a celebrai liggendi is proprias paginas impari a citazionis de Allen Ginsberg pigadas de sa biografia "Monk himself", iscritta de Laurent De Wilde una duzina d'annus fait. Sa boxi de Benni at essi accumpangiada de su pianu forti de Umberto Petrin - artista meda importanti in s'iscena de su jazz italianu - chi torrat a interpretai temas comenti “Evidence”, “Criss-Cross”, “Work”, po acabbai cun d'unu de is branus prus rappresentativus de Monk, “Misterioso”. S'at a cumenzai a is 21 in sa prazza de sa domu aundi est nàscia Grazia Deledda.