Legambiente: cumbattai is fogus cun is cuntrattus de responsabilidadi

(IlMinuto) – Casteddu, 7 de su mes''e cabudanni - Cumbattai e destruiri sa gliàga de is fogus est possibili. Est custa sa conclusioni benia a foras de su dibattidu chi s'est tentu sabudu po sa "Festa del Mare" de Legambiente, in Santa Luxia de Thiniscòle. Tra is possibilidadis, propostas de is medas partecipantis a s'iniziativa, cumenzat a donai risultaus bonus s' applicazioni de is cuntrattus de responsabilidadi. "Seus arrenescius a reduiri de meda su nùmeru de is fogus - at nau s'assessore de s'"Ambiente" de sa provinzia de Nùgoro Rocco Celentano - grazias a sa firma de is cuntrattus de responsabilidadi". "Unu gruppu de cittadinus, un'associazioni o calisiollat persona - at spiegau Celentano - adottat un'arrogu de terra e si pigat s'impignu a ddu preservai. Creu ca custa siat un'ottima soluzioni, chi deppit essi unia a sa prevenzioni e a s'educazioni a s'ambienti".