"Premio Dessì": bincint sa XXIV edizioni Murgia cun "Accabadora" e Pusterla cun "Le terre emerse"
(IlMinuto) - Casteddu, 21 de su mes''e cabudanni - Funt Michela Murgia cun "Accabadora", po sa sezioni " Narrativa", e Fabio Pusterla cun is "Terre emerse", po sa sezioni "Poesia", is bincidoris de sa XXIV edizioni de su premiu letterariu Dessì. Custus nominis andant a si uniri a cussu de Marco Pannella, chi - comenti giai nau - at bintu su "Premio Speciale della Giuria".
Leva 1972, scrittrici sadra nascia in Crabas (Aristanis), cun “Accabadora” Michela Murgia at convintu is giuraus, tra is ateras cosas, po sa scrittura asciutta , "prena - comenti spiegant is motivazionis - de metaforas raras e efficacis e de un'equilìbriu de comunicazioni arrenèsciu beni, equilibriu presenti in su modu de fai de is personaggius e in cussu chi narant. Funt personaggius capazzis de si cumprendi cun is ogus e cun pagus fueddus". A “Le terre emerse - Poesie scelte 1985-2008” de Fabio Pusterla, poeta svizzeru de lingua italiana, classi 1957, sa giuria (presiedia de Silvio Ramat) at donau su premiu po sa sezioni 'Poesia' poita custa raccolta antologica fait "appreziai cun prus manna profundidadi su traballu longu de su poeta chi fait de su quotidianu una ispecie de metaforara manna". Tra is motivazionis chi ant portau a individuai su leader radicali Marco Pannella comenti bincidori de su "Premio Speciale della Giuria", ddoi est sa voluntadi de donai "unu riconoscimentu a s'identitadi de Pannella comenti omini politicu (...) in d'unu periudu aundi su declinu de sa politica registrat sa presenzia de supplenzas marfosas chi funt unu surragau de sa politica bera". Michela Murgia, Fabio Pusterla e Marco Pannella ant arricciu su "Premio Dessì" s'budu a merì a Biddexidru, in sa cerimonia chi s'est tenta in sa palestra de s'iscola media, in via Stazione.
Leva 1972, scrittrici sadra nascia in Crabas (Aristanis), cun “Accabadora” Michela Murgia at convintu is giuraus, tra is ateras cosas, po sa scrittura asciutta , "prena - comenti spiegant is motivazionis - de metaforas raras e efficacis e de un'equilìbriu de comunicazioni arrenèsciu beni, equilibriu presenti in su modu de fai de is personaggius e in cussu chi narant. Funt personaggius capazzis de si cumprendi cun is ogus e cun pagus fueddus". A “Le terre emerse - Poesie scelte 1985-2008” de Fabio Pusterla, poeta svizzeru de lingua italiana, classi 1957, sa giuria (presiedia de Silvio Ramat) at donau su premiu po sa sezioni 'Poesia' poita custa raccolta antologica fait "appreziai cun prus manna profundidadi su traballu longu de su poeta chi fait de su quotidianu una ispecie de metaforara manna". Tra is motivazionis chi ant portau a individuai su leader radicali Marco Pannella comenti bincidori de su "Premio Speciale della Giuria", ddoi est sa voluntadi de donai "unu riconoscimentu a s'identitadi de Pannella comenti omini politicu (...) in d'unu periudu aundi su declinu de sa politica registrat sa presenzia de supplenzas marfosas chi funt unu surragau de sa politica bera". Michela Murgia, Fabio Pusterla e Marco Pannella ant arricciu su "Premio Dessì" s'budu a merì a Biddexidru, in sa cerimonia chi s'est tenta in sa palestra de s'iscola media, in via Stazione.
© RIPRODUZIONE RISERVATA