Resisistit nonostanti is taglius su "Cabudanne de sos poetas". Apuntamentu in Sèneche de cenàbara a domìnigu

(IlMinuto) – Casteddu, 3 de su mes''e cabudanni - Nonostanti is taglius de su 60 po centu de is finanziamentus de parti sa Regioni, si rinnovat puru po su 2009 s'apuntamentu cun su "Cabudanne de sos poetas" de Sèneche. De cenàbara a domìnigu in sa bidda de sa provinzia de Aristanis ddoi ant essi comenti protagonistas autoris tra is prus connotus de s'iscena nazionali e regionali. Tra is apuntamentus de segnalai ddoi est sa lettura de "Tempus", chi at essi fatta de s'antropologu Giulio Angioni (4 de su mes''e cabudanni). Domìnigu at essi sa borta de s'atobiu cun sa poesia de su russu Chlebnikov, curau de Paolo Nori. S'impegnu de sa dinùnzia sociali at a fai, in veci, de guida a is contus de Ascanio Celestini (6 de su mes''e cabudanni). Ma in su festival de Sèneche no ddoi est logu scéti po sa poesia. De no pèrdiri, scèti po fai un'esempiu, su contu de s'istoria de "Radio Sardegna" (5 de su mes''e cabudanni) cun Romano Cannas, Pino Martini, Giovanni Sanna e Giacomo Serreli.