"Autunno in Barbagia", in Ollolai sa IV edizioni de Pastores e Tenores

(IlMinuto) – Casteddu, 2 de su mes''e ledaminis - Custu mangianu ant essi is piciocus de s'iscola media de Ollolai a obèrriri, cun sa realizzazioni guidada de unu murales intitulau "Sa Tramuda", sa IV edizioni de Pastores e Tenores chi si tenit de su 2 a su 4 de su mes''e ledaminis. Sa tres diris at essi totu dedicada a sa civiltadi de is pastoris, cun convegnus, premiazionis letterarias, proiezionis cinematograficas e ispettaculus musicalis. Meda interessantis ant essi sa presentazioni - de oi a is 18.00 - de is testimonianzias audiovisivas de is registas Vittorio  De Seta e Fiorenzo Serra chi chistionant de su mundu barbaricinu in is annus '60, e sa premiazioni - in programma po domìnigu a mangianu a is 9.30 - de sa primu edizioni de su cuncursu de poesia ""Invidia, natura o cultura?". Sa "colonna sonora" de s' avvenimentu ant essi is cantus a tenori: tra sàbudu e domìnigu prus de 20 gruppus ant a presentai sa propriu arti cun ispettaculus itinerantis.