Ctm: su 28 de su mes''e ledaminis in Casteddu is autistas ant essi in isciòpiru po cuatr'oras

(IlMinuto) – Casteddu, 15 de su mes''e ledaminis - sighit sa mobilitazioni de is traballantis de su Ctm. A pustis de su primu isciòpiru chi s'est tentu in diris passadas, is sindacaus cunfederalis e de basi ant proclamau unu segundu isciòpiru de cuatr'oras po su 28 de su mes''e ledaminis. In Casteddu e in s'hinterland is autobus s'ant a firmai de is 12 a is 16, mentris su personali amministrativu e de is officinas at a protestai in is ùltimas cuatr'oras de traballu. A spingi totus is sindacaus a proclamai una noa mobilitazioni esti stetiu su rinviu de un'atóbiu convocau de su Prefettu de Casteddu po su 14 de su mes''e ledaminis. "Mancai fessat stetia trigadia - si podit liggiri in d'una nota stampa - custa convocazioni furiat considerada de is organizzazionis sindacalis unu fattu positivu in s'ambitu de sa vertenza in attu. Immoi, a sa presenzia d'un'unu rinviu de una cida, senz''e nesciuna motivazioni e in ausenzia de segnalis de vida de parti de su Ctm/spa, no si podeus dispensai de proclamai una segunda azioni de isciòpiru".