Domus de s'istudianti: sighit s'isfida Baire-Maninchedda. Su consilleri de su Psdaz: "Cussu dinai si podiat salvai"

(IlMinuto) – Casteddu, 29 de su mes''e ledaminis - "S'arremmaciat ca su dinai po is domus de s'istudianti esti stetiu stornau. No esistit s'istitutu de sa suspensioni de is fondus in su Ministeru de su "Sviluppo economico". Aicci su consilleri regionali de su Psdaz, Paolo Maninchedda, arremmaciat a sa nota stampa de s'assessori Baire po sa "redistribuzioni" de is 15 milionis de eurus chi s'accordu quadru cun su Cipe iat donau in su 2006 po is istrutturas residenzialis de is istudiantis universitarius in Casteddu. "Si bidit unu fattu gravi", sighit Manichedda. "Mentris su Consillu regionali approvàt s'articulu 10 de sa lei regionali nùmeru 3 de su 2009, significativamenti intitolau 'Piano straordinario per la residenzialità universitaria nella città di Cagliari', cun custu pianu su Consillu acconsentìat a s'Ersu de torrai a determinai e de salvai su dinai disponìbili (cumprendius is 15 milionis de s'Apq) diversifichendi is interventus po no perdi is risorsas. De pressi s'Assessorau, indifferenti a cussu chi faiat su Consillu, ndi donada una parti, is 15 milionis sparèssius, a is museus e a is crèsias".