"Gig e Amici della Terra": s'approvazioni de su pranu de s'edilizia portat una "calamidadi contraria a sa natura chi at a portai scéti damnus"
(IlMinuto) – Casteddu, 20 de su mes''e ledaminis - "Diri de prus e diri de mancu, articulu po articulu, emendamentu po emendamentu, s'est fattu unu quadru prus claru de sa chistioni: is interessus bèccius de su mattoni bint normas po su ciumentu e bessint de un'aula sempri prus senz''è cussiènzia, chi s'est fatta complizi de una calamidadi contraria a sa natura". Cun custus fueddus su "Gruppo di intervento Giuridico" e is "Amici della Terra" commentant s'approvazioni - de cenàbara passada - de sa lei po su pianu de s'edilizia de parti de su Consillu regionali. "Custa lei - precisant is associazionis ambientalistas - permìttit de scarrigai duus milionis de metrus cubus de 'segundas domus slargadas' in sa costa e a distanzia de 300 metrus de sa riba. A custa s'ant a aciungi milionis de metrus cubus po is istrutturas turisticas chi ant a beneficai de su 35 po centu de is aumentus volumetricus". "No dd'est meda diffèrenzia - precisant Gig e Amici della Terra - cun sa calamidadi annuziada de Messina. Imprendidoris imobiliaris, progettistas, amministradoris pubblicus, chi tenint sa baulada aspettendi de podi cumenzai a costruiri in nòmini de su deus mattoni. Geometras e sindigus, e cun frequenzia scéti una persona, perseverant puru aundi s'acqua nd'at liau totu. No importat, a sa prossima calamidadi s'ant a biri comenti sempiri presidentis, assessoris e minustrus cun fueddus carrigus de febi e prenus de bellas promissas po risarcimentus e indennizus".
© RIPRODUZIONE RISERVATA