Librando: finzas a domìnigu 30 editoris sardus e ispettaculus po sa mostra chi s'at a tenni in s'ex mattatoiu de Serrenti

(IlMinuto) – Casteddu, 9 de su mes''e ledaminis - Accrobai cultura e turismu: est custa s'idea de Librando, sa mostra de s'editoria sadra inaugurada ariseru e aghillia finzas a domìnigu in s'ex mattatoiu de Serrenti. Sa manifestazioni, chi coinvolgit prus de 30 editoris sadrus, accrobat a s'esposizioni un programma densu de ispettaculus teatralis, "reading" e presentazionis de liburus cun sa presenzia puru de is autoris. Librando at a sighiri in su territoriu de sa provinzia po totu su mes''e ledaminis e po su mes''e totussantus, partendi de sa mostra de pintura de Monteforte, Lucchini, Pes e Tanchis curada de sa "Galleria d'arte 'Per l'arte'", in Serramanna. "S'originalidadi de sa manifestazioni - si podit liggiri in d'unu comunicau stampa - est su resultau de sa particularidadi de sa mostra chi at essi una manifestazioni regionali de s'editoria sadra accumpangiada de ateras iniziativas in totu su territoriu, iniziativas capazzis de catturai s'attenzioni de unu pubblicu meda mannu agiudendi sa conoscènzia de sa provinzia e de is risorsas chi offerit".