Premiu Alziator: in sa serada finali unu tributu a Fabrizio De Andrè

(IlMinuto) - Casteddu, 28 de su mas''e ledaminis - At essi dedicada a Fabrizio De Andrè sa serada finali de s'Alziator: su premiu letterariu nazionali de sa cittadi de Casteddu. A sa premiazioni de is bincidoris - incoronaus de sa giuria presidiada de Salvatore Niffoi - at a sighiri unu concertu-tributu dedicau a su cantautori de sa Liguria. A facc''e Dori Ghezzi - padrina de sa serada - s'ant a esibiri, tra is aterus, Cuncordia a Launeddas, Teresa De Sio, Nada, Ron, Tenores di Bitti e Viola Valentino. A presentai sa serada - s'apuntamentu est a is 20.15 in su Teatru Lirico - ant essi Michele Mirabella e Nadia Bengala.