Thiniscòle: arregortas 3milla firmas po salvai su borgu de Santa Luxia de su gettidu de ciumentu targau centrusinistra

29 Ladàminis 2009
(IlMinuto) – Casteddu, 29 de su mes''e ledaminis - Tresi albergus, 1500 letus, 36.584 metrus cubus de ciumentu, su sderrexinamèntu de prus de sesi etarus de boscu: funt custus is nùmerus de is progettus - scrittus in su Puc approvau su 27 de su mes''e argiolas de s'annu passau - de s'amministrazioni de centrusinistra (Pd-Partito socialista-Nuovo Psi/Dc) de Thiniscòle po su borghisceddu de Santa Luxia. Contra s'operazioni urbanistica s'est fattu unu comitau ispontaneu "A difesa de Santa Luxia", chi at donau su via a una arregorta de firmas on line a s'indirizzu www.salviamosantalucia.org (funt giai stetias superadas is 3milla firmas). "Custu progettu - narat su comitau in su testu de sa petizioni - liat a su borgu sa propria identidadi istoricu-culturali e ndi strupiat s'ambienti. Una ruina totali de su paesaggiu, massimu si castiaus sa cosa de una prospettiva naturalistica e urbanistica".
© RIPRODUZIONE RISERVATA