"Veterinaria": redùxius is taglius po is immatricolazionis. Accoltas is richiestas de Palomba (Idv)

14 Ladàminis 2009
(IlMinuto) – Casteddu, 14 de su mes''e ledaminis - Veterinaria est salva, o casi. Is immatricolazionis po s'annu accademicu nou ant a torrai de 26 a 38, unu nùmeru chi at a depi permitti a s'istorica facoltadi tataresa de sighiri a bìviri. Dd'at nau su "Ministero dell'Istruzione" arriccendi in parti sa richiesta de su deputau de s'Idv Federico Palomba, chi, cun d'una interrogazioni, iat sottolineau sa nezzessidadi de "torrai a ponni su nùmeru de is immatricolazionis de s'annu accademicu passau". Su decretu fattu in su mes''e argiolas de su Ministru Gelmini iat redùxiu de 43 a 26 su nùmeru de is immatricolazionis, ponendi a arriscu sa subrevivenzia de s'unica facoltadi de Veterinaria de sa Sardigna. "Una facoltadi istorica comenti cussa tataresa - iat precisau Palomba - est intrinsecamenti fill'e una realtadi ecomica chi tenit una forti identidadi agrupastorali, sendu sa Sardigna, cun prus de tresi milionis de bestias, sa regioni italiana cun nùmerus prus mannu de crabas e de brebeis".
© RIPRODUZIONE RISERVATA
Tags