Alcoa: Scajola disertat s'atóbiu in su Minusteru de su "Sviluppo economico"

(IlMinuto) – Casteddu, 26 de mes''e totussantus - Scajola no ddoi est. Su ministru de su "Sviluppo economico" at disertau s'atóbiu - cumenzau pagu fait in sa sedi de su ministeru in Roma - po sa chistioni Alcoa tra s'azienda, is sindacus e su Guvernu. Sa multinazionali de s'allumíniu at dezzisu de serrai is istabilimentus de Fusina e de Portovesmi po mori de su costu meda mannu de s'energia elettrica. De martis s'annùnziu de ponni in cassa integrazioni po un'annu 568 traballantis. In ocasioni de s'atóbiu, forsis interlocutoriu, ant camminau in Roma circa milla personas: traballantis de s'Alcoa e de ateras impresas, sindacalistas, consilleris regionalis, comunalis síndigus. Ddoi furiant in Roma puru is segretarius generalis de is sindacaus cunfederalis Guglielmo Epifani (Cgil), Raffaele Bonanni (Cisl) e Luigi Angeletti (Uil). Furiat a sa guida de su corteu su presidenti de sa Regioni, Ugo Cappellacci, ca pagus diris fait iat nau cun bona spera: "S'istabilimentu Alcoa de Portovesmi o at a serrai" e oi pedit a s'azienda "de firmai sa cassa integrazioni". Sa Pulizia at impediu a is traballantis de manifestai a facc''e s'"Ambasciata" Usa (s'Alcoa est americana).