Antropologia: a su documentariu "Il canto scaltro" su premiu "Nigra"

(IlMinuto) – Casteddu, 10 de su mes''e totussantus -  Est de importu mannu s'arreconnoscimentu otentu de s'antropologia sadra. "Il canto scaltro", su documentariu de Michele Mossa e Michele Trentini chi chistionat de improvvisazioni poetica e musicali de su Campidanu, at bintu su premiu "Costantino Nigra" 2009 po sa sezioni antropologia visiva. Su "Nigra", dedicau a su diplomaticu e etnolugu de s'Otuxentus, est unu de is premius de importu prus mannu po is istudius demo-etno-antropologicus. Mossa e Trentini, chi ant fattu s'òpera cun is finanziamentus de su cuncursu Avisa 2007, ant essi premiaus su 21 de su mes''e totussantus in Castelnuovo Nigra, in provìnzia de Torinu.