Casteddu: torrat a cumenzai sa lota de is precarius, presídiu fissu in prazza Matteotti

(IlMinuto) – Casteddu, 25 de su mes''e totussantus - Est torrada a cumenzai, a pustis de una firmada no meda longa, sa lota de is 70 precarius de su comunu de Casteddu. In sa diri de ariseru is traballantis ant montau sa tenda e postu is banderas in prazza Matteotti. Pagu primu furiat stetia firmada s'iniziativa de torrai a ponni unu presídiu fissu asuta de is porticus de via Roma, acanta a s'intrada de su Palazzu comunali. Própriu in su logu aundi duas cidas fait is traballantis funti stetitus bogaus cun sa forza de sa Pulizia e de is Carabinieris.