Concertus: trasferta londinesa po is Dorian Gray

(IlMinuto) – Casteddu, 6 de su mes''e totussantus - Unu mes''e totussantus prenu de impegnus e de cuntentus po is Dorian Gray. Cida chi benit su gruppu casteddaiu at a atravessai "la Manica" po duus concertus chi s'ant a tenni in Londra: mèrcuris 11 in su Vibe - su locali in Brick Lane - e su 12 in su Camden Town, po sa rassegna de is propostas artisticas “made in Italy” chi bidit in su programma nominis de su càlibbru de Beppe Grillo e 99 Posse. A sa torrada in Italia, is Dorian Gray ant essi aghillius, a fin''e mesi, in Faenza, po arriciri unu premiu importanti, ant a pigai difatis, cenabara 27 de su mes''e totussantus su premiu ispeciali po sa carriera, sa consigna s'at a tenni in sa serata inaugurali de su M.E.I., su meeting annuali de is etichettas indipendentis.